Els sgolan puspei

Quels gis da caliras san ins observar a bun’ura la sera ils scarvatgs. Ei vegnan era numnai il bau giavel ni il fravilenn (Hirschkäfer/Lucanus cervus). Quei ein ils insects ils pli gronds en l’Europa. Ils masculins han ina grondezia da ca. 3,5 tochen otg cm; las femellas vegnan silpli tochen tschun cm. El Grischun anflan ins tals insects egl uaul da ruvers sur Glion e Tischinas, egl uaul Uvriu a Danis, egl Uaul setg da Breil, el contuorn da Tumein ed alla Tuma Padrusa a Domat. Els ein sin la gliesta cotschna dils insects periclitai. Lur plonta preferida ei il ruver.

(Indicaziuns: Wikipedia ed igl Uffeci per uaul Grischun.)

Glieci Camenisch