Midada al tgamun

(anr/ac) Sco quei che la Regiun Surselva ha gia annunziau dacuort surpren Marchet Notegen da Tschlin la successiun dad Alois Derungs al tgamun dalla Scola professuinala industriala Surselva. La fiasta da diplom dil vendergis vargau a Glion ha purschiu la pusseivladad da sescuntrar cun Marchet Notegen ch’ha 32 onns e lavura gia dapi tschun onns sco scolast alla Scola professiunala. El ha studegiau historia e politica all’Universitad da Berna ed ha fatg diploms per la scola media e la scola professiunala a Turitg. Alois Derungs resta vinavon fideivels alla Scola professiunala sco scolast, vul denton passar ina retscha anavos e surdar responsabladad. Il tgamun dalla conferenza dil presidents communals dalla Regiun Surselva, Ernst Sax, ha engraziau a Derungs per sias stentas en favur dalla Scola professiunala. En vesta alla renovaziun dil stabiliment da scola a Glion seigi il meinascola partent staus incaricaus fermamein.