Discutau, denton 
buc exequiu

(anr/ac) Differentas variantas per il futur dils quater cudischs funsils en Surselva han las vischnauncas purtadras Glion/Lumnezia, Cadi, Sursaissa Mundaun e Val discutau. Ina centralisaziun cumpleta a Glion ha denton buca cattau il sustegn politic dallas vischnauncas dalla Cadi. Daferton piarda il cudisch funsil dalla Cadi ina buna part da sia fatschenta.

Denter Glion e Mustér ha la vischnaunca da Breil stuiu decider per sia commembranza futura al cudisch funsil en connex cun sia fusiun communala. El ravugl da quella decisiun han las vischnauncas sursilvanas e purtadras dils quater cudischs funsils existents en Surselva discutau e schau elavurar scenaris per ina collaboraziun cumineivla. La proposta da centralisar ils cudischs funsils en ina sedia a Glion ha denton buca cattau il sustegn politic principalmein ella Cadi. Aschia che la vischnaunca da Breil ha avon cuort temps communicau da separticipar al cudisch funsil Glion/Lumnezia. Cheutras piarda il cudisch funsil Cadi ina buna part da sia fatschenta.

pagina 5