Rait da 100 kilometers sendas

(anr/fa) Ils respunsabels dal Parc Naziunal Svizzer han da mantgnair üna rait da var 100 kilometers lunghezza. Quistas sendas sun periclitadas da lavinas e boudas. Sün 21 rutas, leivas, mezdanas ed eir greivas, pon ils visitaduors dal Parc Naziunal Svizzer (PNS) perscrutar il plü vegl parc naziunal da las Alps, fundà dal 1914. Siond cha quistas sendas sun in muntogna sun ellas expostas a tuot las oras e vegnan minch’on darcheu dannagiadas da lavinas e da boudas. Ils respunsabels dal PNS douvran on per on plüssas tschients uras da lavur per tillas mantgnair. Ils invierns cun naiveras sco chi’d es stat il cas ingon han per consequenza cha parts da las rutas pon gnir drividas pür cur cha la naiv es alguada.

pagina 6