Alice Frank, Veulden, mussadra, anada 1944

Tge munta igl rumàntsch par Vus?

Par me munta igl rumauntsch blea. Eu bagliaf adegna rumauntsch cun tut quels ca se ca bagliaffan rumauntsch a ca raspundan ea par rumauntsch. Mia momma a mieu bab earan Rumauntschs. A tgea bagliaffavan nus adegna me rumauntsch, ea traunter igls fardaglieuns. Mo uss e’gl me pli aunc egn pêr ca san rumauntsch qua, igls pli giuvens en da 60 ansei. Cun quels drov eu igl rumauntsch taunt sco pussevel.

Sco promovez Vus igl rumàntsch?

Eu earel mussadra da scoletta a mussavel rumauntsch agls uffaunts. Meas fegls antalin aunc rumauntsch, mo da far bagliaffar rumauntsch quella generazieun e’gl betg pli sto pussevel. La rascheun e ea quella: An scola vevani mur poc rumauntsch. Egn taimp vevani rumantsch grischun. Mo que â purto fetg poc.

Tge avagnir â igl rumàntsch tanor igl Voss managear?

Si Veulden va igl rumauntsch a perder an pocs ons. Que â da far cun nossa tenuta. Scha nus easchan an cumpagneia, ad igl e egn ca bagliafa tudestg, alu bagliaffan tuts tudestg. Igls davos onns vainsa schon antschiet a star traunter nus a bagliaffar rumauntsch, mo lu easchan confruntaia cullas raproschas digls Tudestgs. Aschi e’gl, ad aschi va igl rumauntsch a perder. Igls Rumauntschs zedan lur lunghetg. Que eara schon aschi, cur ca nus earan giuvens, igl eara adegna da bagliaffar tudestg. Que e igl sbagl prinzipal c’e capito a Veulden, c’igls Rumauntschs ân adegna do suainter agls Tudestgs, a que e la finala la mort digl rumauntsch. Que fa blearas gea schon tresta me, ca noss rumauntsch va a perder.

www.100onns.ch