La pissiun d’encurir bulius

DA SUSI ROTHMUND / ANR

La stagiun da bulius ha entschiet gia cuort suenter che la neiv ei stada luada. La primavera anflan quels ch’enqueran el dretg liug numnadamein murachels. Quels bulius tumprivs sezuppan denton aschi bein ch’igl ei nuota sempel d’anflar els. La redactura ha astgau accumpignar ils controlladers da bulius dalla Surselva Lia Heini-Piacentini ed Egmont Heisch sin ina tura. Quei ch’els san raquintar dalla veta dils bulius ei interessant e fascinont e cun lur pissiun pils bulius capeschan ei d’animar per quei hobi che fa bein a tgierp ed olma. Premess ch’ins maglia la finfinala sulet bulius gudibels. Mo per che quei gartegi ein els gie cheu, ils controlladers. En Surselva dat ei treis posts ufficials per la controlla da bulius, numnadamein a Glion, Laax e Mustér (risguardar uras d’avertura). Bulius san ins denton era schar controllar – tenor cunvegnientscha per telefon – en Val S. Pieder, a Cumbel ni a Siat. Las controllas da bulius ein gratuitas.

pagina 5