Damain dischoccupads

En Grischun sco er en l’entira Svizra è la quota da dischoccupaziun er il zercladur sa reducida. Il zercladur èn vegnids nudads en Grischun 865 dischoccupads. Quai èn 569 damain ch’anc il matg. Tenor las cifras da l’Uffizi chantunal per industria e mastergn è la quota cunquai sa reducida dad 1,3 sin 0,8%. Dals 865 dischoccupads eran 403 dunnas e 462 umens. Ils pli blers dischoccupads hai dà en ils secturs da la hotellaria cun 245, suandà dal commerzi en detagl cun 89 dischoccupads, traffic e transport cun 64 ed il sectur da sanadad cun 57 persunas. Persunas dischoccupadas a lunga durada hai dà il zercladur 44, il matg eran quai anc 54. Il medem trend sa mussa er en il rest da la Svizra. Cun 97 000 persunas senza lavur è la quota da dischoccupaziun en l’entir pajais ida enavos il zercladur sin 2,1%.