In gir cun Flurina sün sia senda

DA FLURIN ANDRY / ANR

La Senda Flurina tanter la Motta Naluns e Prui es gnüda s-chaffida al principi da quist millenni. Per tilla renovar e render amo plü attractiva es ella gnüda optimada. La spassegiada sülla Senda Flurina chi maina da la Motta a Prui o viceversa düra tanter ün’ura e mez fin duos uras. «Be las tablas chi quintan l’istorgia da Flurina e l’utscheïn sulvadi da Selina Chönz ed Alois Carigiet nu d’eiran plü uschè attractivas pels uffants», constata Leah Taisch chi lavura i’l marketing e l’administraziun da las Pendicularas Scuol. Perquai han ils respunsabels stübgià co chi’s pudess far per cha la senda attira darcheu. «Insembel cul manader da proget Jürg Wirth es nada l’idea s-chaffir üna senda interactiva», cuntinuescha ella, «pro desch staziuns lung la senda spettan als uffants differentas lezchas.» Quista senda vain inaugurada in dumengia. La cumpagnia as chatta a las desch sün Motta Naluns. Sco ch’ella tradischa esa pussibel chi saja preschainta in dumengia eir Flurina.

Pagina 7