Ei mia renta aunc segirada?

Da Lucas Deplazes / ANR

Segirar las ovras socialas – AVS e cassa da pensiun – ei in’incumbensa dalla constituziun, quei vul dir, la veglia dil pievel. Suenter biars onns da gronda stabilitad silla fiera da finanzas ei la situaziun uss mal semidada. Il capital spargnau porta strusch tscheins pli, igl avegnir ei malsegirs, novas valutas globalas procuran per dubis. La cassa dall’AVS fa deficits. Ils meinis co far remedura ein contravers e procuran per quitaus. Ei mia renta aunc segirada?, sedamondan biars giuvens. Tgi ch’ha luvrau tochen la pensiun, tgi che sa vegnir invalids duei ver il duiu sustegn dalla communitad. En quella situaziun drov’ei refuormas. Talas ein ussa sin meisa, cun la speronza ch’il niev eligiu parlament seigi el cass da far las correcturas necessarias. Quei vala aschibein per l’AVS sco per la cassa da pensiun. Dumandada ei plinavon la solidaritad da tuts.

pagina 2