Ulteriur abitacul per la chamonna Cluozza

DAD ANNATINA FILLI / ANR

La chamonna Cluozza immez il Parc Naziunal Svizzer nun accumplischa plü las pretaisas d’hozindi. Dürant ils prossems ons esa previs da tilla renovar. Tipic per la Val Cluozza e sias vals lateralas sun las cuntradas sulvadias. Be la senda da viandar e la chamonna Cluozza sun perdüttas per la preschentscha da l’uman. La chamonna, chi d’eira gnüda fabrichada da l’on 1910, es l’ultima vouta gnüda renovada i’ls ons 1992 e 1993. Per accumplir las pretaisas e’ls bsögns d’hozindi faja dabsögn d’üna ulteriura renovaziun. Per chattar la soluziun ideala vaiva inizià la Cumischiun federala dal PNS da l’on 2018 üna concurrenza da stüdi. Quatter büros d’architectura han preschantà lur ideas per la renovaziun da la chamonna Cluozza. D’incuort sun gnüts preschantats in l’Auditorium dal Parc Naziunal Svizzer a Zernez ils quatter progets.

pagina 7