Christian Buchli (44), inschignier forestal, Sagogn

Tgei munta il romontsch per Vus?

Igl ei miu lungatg patern. Jeu patratgel el romontsch d’Engiadina Bassa, siemiel per romontsch, fetschel quens a tgau en ladin. Quei ei buca semidau dapi ch’jeu vivel en Surselva. Il romontsch ei era in sentiment, e buca mo ina lungatg.

Co promovis Vus il romontsch?

Il romontsch ha ina valeta, ed ei vala da promover quella. Jeu fetschel quei cun tschintschar consequent miu idiom culs affons. Quei mument ch’els dattan a mi risposta per ladin, e buca pli per tudestg, vegn ad esser fetg emoziunals per mei.

Tgei avegnir ha il romontsch?

Mes affons emprendan en scola romontsch sursilvan, jeu hai empriu ladin. Igl avegnir dil romontsch ha connex cun capientscha, toleranza, respect e sensori pil romontsch en general. Ei duvrass buna voluntad e pign sforz. Jeu vesel ch’il romontsch ha in avegnir sch’jeu sai scriver e tschintschar ladin, tschella persuna rispunda e scriva a mi en siu idiom, emporta buca tgeinin.

www.100onns.ch