«Nus sa cumportain detg bain»

Dad Andreas Cadonau / ANR

La Lia Rumantscha festivescha ses 100avel onn d’existenza e La Quotidiana ha vulì savair da la presidenta dal cussegl grond sia vista sin l’uniun tetgala rumantscha. Tina Gartmann-Albin è creschida si a Cuira, era avant la maridaglia cun in Gualser burgaisa da Tersnaus e represchenta il circul da Cuira en il cussegl grond.

Per la presidenta dal cussegl grond e per l’onn 2018/19 la pli auta represchentanta politica dal chantun Grischun è la trilinguitad grischuna in element central da l’identitad grischuna. Ina sperdita dad ina da las trais linguas muntass ina sperdita elementara per il Grischun. Ed uschia vesa Gartmann-Albin en la politica e la populaziun grischuna ina gronda acceptanza vers ils basegns da las minoritads linguisticas.

La Lia Rumantscha resenta la presidenta dal cussegl grond per in’impurtanta partenaria da la politica grischuna. In giavisch ha Gartmann-Albin tuttina stipulà vers la Lia Rumantscha areguard ses giubileum da 100 onns ed en connex cun l’atgna lunga experienza en il parlament grischun. Sezza deplorescha la deputada ch’il bab nun ha antruras discurrì rumantsch cun ella. Quai simplifitgass en scadin cas las explicaziuns rumantschas en ils pleds da la presidenta dal cussegl grond. In impurtant giavisch ha la presidenta dal cussegl grond, Tina Gartmann-Albin, formulà vers la Lia Rumantscha.

pagina 2