Marcellino Giger (50), specialist da banca, Sedrun

Tgei munta il romontsch per Vus?

Romontsch ei tier mei omnipresent. En romontsch s’exprimel jeu, en romontsch patratgel jeu ed en romontsch siemiel jeu. Per mei ei romontsch in toc identitad ed in scazi cultural.

Co promovis Vus il romontsch?

Jeu sesprovel da tschintschar romontsch tier mintga pusseivladad. Seigi quei en famiglia, en fatschenta ni era en auters discuors che sedattan el decuors d’in di.

Tgei avegnir ha il romontsch?

Jeu creiel ch’ins vegni aunc a discuorer biars onns romontsch. Nua ch’jeu hai in tec pli gronds dubis ei il lungatg a scret. Il scriver romontsch vegn probablamein ad ir a piader in tec damai ch’ei vegn schon oz scret bia pli pauc romontsch ch’avon onns. Ch’ins vegni d’evitar quei cul romontsch grischun sco lungatg da scartira dubetel jeu fetg.

www.100onns.ch