Marianna Sempert (61), impiegada d’administraziun, Scuol

Che importanza ha il rumantsch per Vus?

Il rumantsch m’ha fascinà fingià da giuvna cur ch’eu staiva giò’n Argovia e tadlaiva minchatant las novitats dal Radio Rumantsch. Dürant ils 30 ons ch’eu sun uossa in Engiadina Bassa è’l dvantà sco üna seguonda lingua materna per mai.

Co promovais Vus il rumantsch?

Eu sun respunsabla pellas publicaziuns dal cumün da Scuol. In quista funcziun prouva da scriver da maniera correcta ed inclegiantaivla. Cun scriver texts bilings spera da pudair svagliar l’interess pel rumantsch (e la vöglia da til imprender) eir pro persunas da lingua tudais-cha.

Che avegnir ha il rumantsch?

Chi chi sa rumantsch es superbi da quai, e la lingua gioda eir gronda simpatia giò la Bassa e dafatta a l’exteriur. Il chantun e la confederaziun vezzan l’importanza da la quarta lingua naziunala e tilla sustegnan cun mezs finanzials considerabels. Quai sun tenor mai bunas premissas per l’avegnir dal rumantsch.

www.100onns.ch