Claudio Chiogna (75), anteriur directur dal turissem regiunel, Samedan

Che importanza ho il rumauntsch per El?

Rumauntsch es mia lingua materna ed ho per l’Engiadina, pel Chantun e per nossa Svizra ün’enorma importanza. Na schmancher: Rumauntsch es ufficielmaing la quarta lingua naziunela!

Co promouva El il rumauntsch?

In discurrind cun plaschair, ma eir cun superbgia nossa lingua. Impü sun sto commember da suprastanza da l’Uniun dals Grischs düraunt divers ans, cur ch’avaivans da renover nos bel Chesin Manella a Schlarigna culla libraria, chi’d es fich important per nus Puters.

Che avegnir ho il rumauntsch?

Rumauntsch ho ün avegnir, que sun eau persvas. Al mumaunt ch’eau scriv quistas lingias frequentan var 60 persunas da tuot la Svizra e perfin da l’ester a Samedan al cuors rumauntsch.

www.100onns.ch