Il cuors da l’Ova d’Alvra vegn corret

La regenza grischuna ho appruvo il proget per saner las ovras da protecziun pel torrent «Ova d’Alvra» a La Punt Chamues-ch. Ella ho delibero üna contribuziun chantunela da 300 000 francs per la correcziun dal cuors d’ova. Eir la Confederaziun as partecipescha cun 525 000 francs a quist proget. L’intschess dal torrent Ova d’Alvra es bainschi gnieu schinagio i’l passo da grandas ovas. Tuottüna s’ho que stabiliso il let da l’ova traget per traget cun repars a las rivas i’l territori abità. In qualchüns lös sun quists repars pac stabils e per part dannagios. Per amegldrer l’intera protecziun cunter ova granda ston las construcziuns existentas gnir reparedas, scha necessari rimplazzedas. Per quist intent gnaron fabrichos repars lung las rivas, repars da terra e da crappa.(rtr/fmr)