«Adia Staviala Vedra»

Sonda vargada han diversas alps en Surselva scargau il muvel. Igl ei relativamein baul, denton l’aura freida si els aults ha buca schau crescher la jarva duront gl’uost. Aschia ha ei buca tunschiu da tener la biestga aunc in’ulteriura jamna. Denter las diversas scargadas ei quella da Lumbrein stada specialmein impressiunonta. Il persunal d’alp ed ils purs havevan fatg bellezia tschupials per las vaccas. Cheu silla fotos vesan ins l’entira gronda gruppa da persunal e gidonters ch’ein stai involvai ella scargada. (fmr/abc)