Grischun

500 tests ad emna en ina apoteca

Las apotecas dal Grischun èn sut squitsch. Il motiv è il dumber da tests da corona ch’è creschì dapi che l’obligaziun dal certificat è vegnida extendida. «Nus essan al limit da nossas forzas», scriva la presidenta dals apotechers grischuns, Monika Fehr-Caluori en ina communicaziun a las medias. «Fin 500 tests ad emna sper il manaschi d’apoteca usità, quai pretenda dapli persunal e dapli organisaziun. Actualmain lavurain nus set dis ad emna davent da la damaun baud fin la saira a las diesch.» Monika Fehr-Caluori na chatta plinavant betg il persunal ch’ella duvrass. Tar il post chantunal per il coronavirus èn ins pertschert dal chatsch da persunas che vulan testar en las apotecas. Ins avisescha dentant a las novas decisiuns dal Cussegl federal dad oz, che pudessan reducir in pau las frequenzas en las apotecas. (fmr/mg) Pagina 2