Ballapei: Terradas per Schluein Glion e Trun/Rabius – remis per Lumnezia

Neginas schanzas encunter Domat

Neginas schanzas per l’equipa da Schluein Glion la dumengia suenter miezgi a Domat sil plaz da ballapei Vial. El sulet derbi grischun dalla 2. ligia domineschan ils da casa naven dalla biala entschatta e gudognan era en quella altezia meritadamein. Als giugadurs da Schluein Glion vul nuot reussir: Mintga auter pass ei fallius, biaras malcapientschas, ballas piarsas els pli tups muments, ei pareva sco sch’ils giugadurs fussen buca promts pil giug e sco sch’ei havessen tema. Al trenader eis ei en tutta cass buca reussiu da tschentar en l’equipa optimal sin quei impurtont giug.

Aschia eis ei stau sempel per Domat. Treis gols avon pausa han atgnamein gia decidiu il giug ed ils quater gols suenter pausa, dus sin penalti, han mo aunc francau la differenza che ha regiu denter las duas equipas en quella partida.

Beat Dermont

2. ligia regiunala, gruppa 1

Domat – Schluein Glion  7:0 (3:0)

Vial. 160 aspectaturs. Arbiter: Nesimi.

Gols: 8. Giorgjievski 1:0, 19. Frizzoni 2:0, 40. Topalli 3:0, 50. Gringer 4:0 (penalti), 60. Giorgjievski 5:0, 65. Nsingui 6:0 (penalti), 73. Garcia 7:0.

Domat: Hartmann; Hunger, Hanad Beso, Mahir Beso (71. Zanolari), Nsingui; Frizzoni, Gringer, Limani (56. Djermanovic), Topalli (67. Garcia); Yogarajah (67. Hanan Beso), Giorgjievski (61. Bonderer).

Schluein Glion: Capaul; Gomes Machado (59. Gallmann), Matthias Derungs, Gian Sgier, Büchler (71. Frias); Michel (59. Andri Sgier), Livio Derungs, Bundi; Vinzens (69.Leblebici), Tschalèr, Lekishvili (59. Stabile).

Remarcas: Cartas melnas:  26. Limani (malsportadad), 31. Hunger, 45. Gian Sgier, 58. Livio Derungs e Büchler (tuts per fouls).  Schluein Glion senza Gianluca Casutt, Egger (blessai), D’Atria (malsauns) e Dermont (absents). Corners: 6:1.

Pari el derbi romontsch

In gi d’atun cun bia vent ha beneventau las duas equipas romontschas ch’ein promovidas la davosa sesiun dalla 4. ella 3. ligia. Entuorn la 15. minuta vegn Lumnezia tier enqual schanza, denton senza vegnir da surmuntar la defensiun ed il goli da Surses. Pli tard tuccan ils da Surses la traversa cun in bien siet da distanza. Sin ina flanca da Dino Blumenthal dat Gion Ursin Alig il bal cul tgau ella petga. La pausa pren negina tensiun ord il giug e l’equipa da casa fa vinavon grond squetsch. Ils hosps da Surses perencunter vegnan enqual gada tier lur schanzas entras conters. Ella 82. minuta vegn Gion Ursin Alig da semetter atras e da survir si siu frar Matias che stauscha il bal da gol en. Igl ei stau la davosa minuta dalla prolungaziun nua che Surses vegn da dar en ina flanca e da far igl 1:1 entras Robin Demarmels. Il CB Lumnezia recaltga igl emprem punct en quella sesiun. Sch’ins mira denton las numerusas schanzas da far gols e ch’il gol digl adversari croda pér ella davosa minuta eis ei segiramein dus puncts spers e buc in gudignau.

Pascal Derungs

3. ligia, gruppa 1

Lumnezia – Surses 1:1 (0:0)

Vella, plazza da ballapei Bual. 170 aspectaturs.

Gols: 82. Matias Alig 1:0; 90. + 3 Robin Demarmels 1:1;

Lumnezia: Fabio Casanova; Danilo Blumenthal; Tizian Casanova, Manuel Casanova; Mauro Cadonau (65. Pascal Derungs); Matias Alig; Paul Alig (85. Dino Blumenthal); Andriu Alig (75. Noé Capaul); Dario Capaul; Dino Blumenthal (75. Gion Ursin Alig); Gion Ursin Alig (40. Attila Truffer).

Surses: Niclo Devonas; Gianluca Augustin; Robin Demarmels; Nino Farrér; Linard Augustin; Corsin Carisch; Enrico Carisch; Mauro Simonet; Manuel Simonet; Nico Demarmels; Julian Jenal.

Remarcas: Lumnezia senza Remigi Collenberg, Nando Blumenthal, Filipe Bastos, Dinis Dos Santos e Mauro Demont.

Cartas: Lumnezia 2, Surses 1.

Ina classa memi’aulta

Trun/Rabius entscheiva curaschus la partida e va gia ella 7. min. en avantatg suenter in penalti da Patrizio Decurtins. Mo quei eisi lu era gia stau cun la gloria quei di el cantun Sogn Gagl. Silsuenter surpren Eschenbach cumpleinamein il dictat dil giug. Ella 17. min. arva Kaan Polat la cuppa da Pandora cun igl emprem gol per Eschenbach. Paucas minutas pli tard il secund gol suenter ina situaziun da standard entras Nicola Brunner ed ella 32. min. il 3:1 entras Javier Bolliger. Quei ei il resultat suenter 45 minutas. La finamira da tener il resultat schi ditg sco pusseivel gida nuot. La lontschetta gronda dall’ura ei buc ida duas ga entuorn che Kaan Polat aulza sin 4:1. Quei gol gia schi baul ei naturalmein tissi per la morala dall’equipa dalla Cadi. Denter la 60. e 65. minuta vegn ei aunc mender per il CB T/R: Robert Stojanov, Mentor Gojani e Sandro Vigini aulzan il resultat sin 7:1. Legreivlamein anfla Trun/Rabius silsuenter puspei meglier el giug e vegn entras Livio Janka e suenter danovamein in penalti tiel secund gol. Mo Eschenbach vul dispet sittar il davos gol dalla partida, quei che gartegia era ella 90. min. entras Robert Stojanov. Cunquei ha Eschenbach sittau els davos dus giugs 15 (!) gols e mussau sias ambiziuns da turnar immediat puspei en 2. ligia. En tuts graus – spertadad, atletica, automatissems, technica – ei l’equipa da Sogn Gagl stada ina classa memia aulta quei di per Trun/Rabius. Pigl aspectatur neutral bellezia ballapei da suandar, pil cronist da Trun/Rabius denton ina tortura. (cdm/fmr)

3. ligia, gruppa 1

Eschenbach – Trun/Rabius 8:2 (3:1)

Eschewies, Eschenbach. 130 aspectaturs.

Gols: 7. Patrizio Decurtins (penalti) 0:1, 17. Kaan Polat 1:1, 24. Nicola Brunner 2:1, 32. Javier Bolliger 3:1, 47. Kaan Polat 4:1, 60. Robert Stojanov 5:1, 61. Mentor Gojani 6:1, 65. Sandro Vigini 7:1, 81. Livio Janka (penalti) 7:2, 90. Robert Stojanov 8:2.

Trun/Rabius: Mauricio Cathomas; Damian Schmed, Livio Janka, Mathias Flepp, Sandro Orlik; Beat Cadruvi (46. Fabio Caduff), Denis Monn (72. Silvan Muoth); Remo Alig (46. Clau Berther), Patrizio Decurtins (68. Daniel Pfister), Salvatore Stagliano; Gianin Derungs (72. Remo Alig).

Eschenbach: Raffael Riger; Timon Keller, Nicola Brunner, Ramon Grob, Silvan Aranda; Javier Bolliger, Dominik Hinder, André Hefti; Mentor Gojani, Kaan Polar, Sandro Vigni.

Remarcas: Trun/Rabius senza Orlando Monn, Ramon Orlik e Mirco Pfister.