Irina Ungureanu & Grünes Blatt el Cinema sil plaz

El rom dalla retscha «Corin invit…» envida Corin Curschellas entochen la fin digl onn aunc duas ga el Cinema Sil Plaz a ­Glion. Venderdis, ils 8 d’october allas 20.15 al concert d’Irina Ungureanu & Grünes Blatt.  Il quintet musical entuorn la cantautura Irina Ungureanu (oriunda dil Bucarest) ed il cuntrabassist Dominique Girod, interpetescha sin atgna moda canzuns popularas dalla Rumenia. Grünes Blatt tscherca sapientivamein ina nova moda d’interpretar quei bein cultural arcaic. Tenor in communicau als mieds da massa penduleschan las tschun musicistas e musicists da jazz, improvisaziun, musica populara, classica e contemporana denter texturas finas e pli ruhas, denter cumposiziun ed improvisaziun, denter arranschaments elementars e pli perfecziunai. (fmr/sr)