Giug capital per Schluein Glion

La midada da trenader para da haver fatg bein alla squadra da Schluein Glion. Encunter St. Margrethen ei numnadamein reussiu l’emprema victoria stagiunala la fin dall’jamna vargada. Igl ei stau in emprem pass empermettent en vesta al cumbat encunter la relegaziun. In ulteriur pass sa l’equipa da Corsin Cavegn far dumengia el giug encunter Winkeln. Cun ina victoria savess Schluein Glion badunar la zona dalla relegaziun e distanziar Winkeln per treis puncts. Winkeln ha dau entochen ussa in campiunadi mediocher, semegliont alla squadra sursilvana. Era a Winkeln ei l’emprema victoria da questa atun reussida pér la davosa fin d’jamna encunter Domat.

Lumnezia e Trun/Rabius ordeifer

El campiunadi dalla gruppa 1 dalla 3. ligia ei Lumnezia hosp d’Eschenbach. Ils Songaglies fuorman communablamein cun Bogn Ragaz e Glaruna la testa dalla tabella, tuttas treis equipas han 17 puncts sin lur contos. Els siat giugs d’entochen ussa ha Lumnezia recaltgau sulettamein in punct. La scuntrada encunter Eschenbach astgess per quei motiv esser in’ulteriura dira nusch. Trun/Rabius ei hosp da Bogn Ragaz ch’ei il mument sigl emprem plaz dalla tabella grazia ad ina megliera bilanza da puncts da puniziun che Glaruna ed Eschenbach. La squadra dalla Cadi ha mussau quest atun ch’ella sa tener petg als ferms da quella gruppa e las victorias els davos giugs – el Cup svizzer encunter Wängi ed el campiunadi encunter Lumnezia – han segir dau nova motivaziun alla giuvna squadra.

Vegn Laax ord il tschaler?

In impurtont giug dat Laax sonda sera el campiunadi dalla 4. ligia. Igl ei la scuntrada da casa encunter Vaz-sut che ha medemamein tschun puncts sin siu conto. Las duas equipas sesanflan alla cua dalla tabella e cun in success cumplein savess Laax surdar la latiarna cotschna alla squadra da Vaz-sut. Danis-Tavanasa ei hosp dil capogruppa Domat. Per l’equipa sursilvana dil trenader Renzo Albin ei quei giug ina sfida, mo buca ina senza schanzas. Il secunda dalla tabella – Panaduz – ei hosp da Schluein Glion dumengia suenter miezdi. Las duas equipas ein spartidas d’in sulet punct ella tabella, aschia ch’ils aspectaturs astgan spitgar ina scuntrada uliva a Crap gries.

Sedrun/Mustér retscheiva il capogruppa

Il hit dalla gruppa 1 dalla 5. ligia dalla fin d’jamna ei il giug denter Sedrun/Mustér e Mladost. Omisduas equipas han spiars entochen ussa sulettamein in giug. Mladost ha 16 puncts sin siu conto, Sedrun/Mustér 13 puncts cun in giug pli pauc. Ei savess esser ina scuntrada decisiva per la promoziun la fin dalla stagiun. Il siatavel dalla tabella Lumnezia ei hosp da Tusaun-Cazas che schai sil quart rang cun ambiziuns silla testa dalla tabella. Danis-Tavanasa che ha aunc giu negina fortuna quest atun retscheiva Panaduz che ha recaltgau entochen ussa in sulet punct. Per Danis-Tavanasa ei quei la caschun da metter sut tetg ils emprems puncts el campiunadi current.

2. liga regiunala, gruppa 1

Herisau – Abtwil-Engelburg 2:2

Rugell – Mels so. 16.00

Dardania S. Gagl – Herisau so. 16.30

Vaduz – Au-Berneck du. 14.00

St. Margrethen – Abtwil-Engelburg du. 14.30

Domat – Montlingen du. 15.00

Schluein Glion – Winkeln du. 16.00

3. liga, gruppa 1

Glaruna – Sargans 0:0

Bogn Ragaz – Trun/Rabius so. 15.30

Tusaun-Cazas – Weesen so. 17.00

Valposchiavo – Sargans so. 17.00

Landquart – Surses du. 14.00

Uznach – Glaruna du. 14.00

Eschenbach – Lumnezia du. 16.00

4. liga, gruppa 1

Domat – Danis-Tavanasa so. 16.00

Laax – Vaz-sut so. 18.00

Schluein Glion – Panaduz du. 13.30

Valposchiavo – Bogn Ragaz du. 14.00

Schlarigna – Cuera 97 du. 14.00

5. liga, gruppa 1

Sedrun/Mustér – Mladost so. 17.00

Danis-Tavanasa – Panaduz so. 19.00

Tusaun-Cazas – Lumnezia so. 19.00

5. liga, gruppa 2

Surses – Bregaglia so. 17.00

Lai Valbella – Tusaun-Cazas so. 18.00

Tavau – Lusitanos de Samedan du. 16.00

Juniors A1, gruppa 1

Sargans – Surselva so. 13.15

Diepoldsau-Schmitter – Tavau du. 16.00

Rebstein – Rorschach-Goldach du. 16.30

Juniors B, Youth League, gruppa 1

Winkeln-Rotmonten – Teufen so. 12.00

Frauenfeld – Gossau so. 14.00

Brühl – Rheintal so. 14.00

Surselva – Zuzwil Vella so. 14.00

Cuera 97 – Tobel-Affeltrangen so. 15.00

Rorschach-Goldach – Uzwil-Henau so. 15.00

Juniors B2, gruppa 1

Landquart – Lusitanos de Samedan so. 14.00

Surselva – Vaz-sut Tavanasa so. 14.00

Grischun Central – Domat Cazas so. 15.00

Juniors D elita, gruppa 1

Uznach – Rapperswil-Jona mes. 18.00

Juniors D2, gruppa 1

Tavau – Surselva c so. 13.00

Juniors D2, gruppa 2

Bogn Ragaz a – Landquart b so. 10.00

Domat c – Cuera 97 b du. 13.00

Dunnas 2. liga, gruppa 1

Bütschwil – Domat so. 17.00

Au-Berneck – Romanshorn du. 11.00

Widnau – Ebnat-Kappel du. 11.30

Linth-Schwanden – Rapperswil-Jona du. 12.00

Uzwil – Tusaun-Cazas du. 13.00

Romanshorn – Bütschwil giev. 20.15

Damas 4. liga, gruppa 1

Mels – Schwanden-Linth so. 19.00 Flums-Walenstadt – Surselva du. 11.00