Cuschiniers sin plazza cun risot
Oz ei puspei fiera da rauba a Glion. Mintg’onn, a quella fiera digl october, s’entaupan ils commembers sursilvans dalla Ghilda svizra dils cuschiniers etabli a lur occurrenza nua ch’els s’engaschan pils pazients da multiple sclerose. Quella malsogna maligna ei nuncurabla ed ils pertuccai ein confruntai cun dolurs ed impediments corporals. L’associaziun svizra da MS, fundada aposta per els, gida da mitigar la malsogna che progredescha culs onns en fuorma da stauschs e novs impediments. Cun lur acziun annuala sin plazza cumin a Glion rendan ils cuschiniers etabli attent a quels pertuccai e lur destin. En tut separticipeschan 12 menaschis denter Trin tochen Rueras e Val S. Pieder al gi d’acziun. Naven dallas 11.00 tochen las 16.00 san ins consumar in taglier risot gustus ed era cumprar sacs pigns per cuschinar sez il risot cun bulius da tschep.(fmr/abc)
L’acziun ei oz mesjamna, dallas 11.00 tochen las 16.00, sin plazza-cumin a Glion.
Gust da leger dapli?