Ballapei: Las davosas scuntradas da quest atun

Pervia dalla neiv han dus giugs dalla 3. ligia stuiu vegnir refretgs la davosa fin dall’jamna. Els vegnan dai sonda suentermiezdi. Ella scuntrada da casa encunter Tusaun-Cazas ha Trun/Rabius la caschun da far in segl anavon ella tabella. Cun ina victoria savess l’equipa da Donat Albin e Philippe Vincenz passentar igl unviern sin rang 3. Quei fuss secapescha ina grond success. Tusaun-Cazas ha in punct dapli sin siu conto ed avisescha secapescha era aunc quei tierz plaz. Surses dat siu davos giug da quest atun a casa encunter Valposchiavo. Ils Surmirans han giu entochen ussa in campiunadi ordvart cuntenteivel, recaltgond otg puncts en diesch giugs. La distanza tiels dus davos dalla tabella – Weesen e Lumnezia – ei il mument relativamein confortabla. Per setener ella 3. ligia drova ei denton aunc enqual punct primavera proxima e forsa in ulteriur gia sonda proxima encunter Valposchiavo.

3. ligia, gruppa 1

Surses – Valposchiavo so. 14.00

Trun/Rabius – Tusaun-Cazas so. 14.00