Premi «Digi-Tal» per miaEngiadina

parter

Il coworking, l’InnHub, la digitalisaziun in scoulas, la realisaziun d’üna app turistica, la rait da fibra da vaider – quai sun tuot puncts chi han persvas: Suot la bachetta da la «Schweizer Illustrierte» insembel culla «Illustré» es gnüda iniziada la concurrenza «Digi-Tal». Üna trentina da progets da tuot la Svizra sun gnüts inoltrats. La giuria consistiva da differents mainagestiuns da grondas firmas, dad ün professer da l’ETH Turich, ma eir da differentas persunas da la politica svizra. Quels tuots han valütà ils progets e tschernü 6 d’els. Davo ha eir la populaziun svizra gnü la pussibilità da votar per lur favorit. Las plü bleras vuschs ha survgni «miaEngiadina». Sco cha’l schefredactur Werner De Schepper da la Schweizer Illustrierte ha dit sun stattas las differentas spartas manzunadas il motiv cha miaEngiadina ha guadagnà il premi DigiTal. Ma a seis avis ha sgüra eir il grond sustegn da la populaziun in Engiadina contribui sia part per cha miaEngiadina guadogna il premi. (rtr/fmr)