Thomas Kehl reelet per ulteriurs duos ons

parter

La Pro Flüela ha reelet a seis president Thomas Kehl per ulteriurs duos ons. Quai scriva l’uniun chi s’ingascha per üna via dal pass transibla eir dürant ils mais d’inviern in üna comunicaziun a las medias.

In occasiun da la 21avla radunanza da la Pro Flüela sun eir gnüts reelets ils commembers da la suprastanza Michael Caflisch, Riet Denoth e Jürg Zürcher. Nouv illa suprastanza es Reto Keller da Tavo. Fingià l’on passà d’eiran gnüts reelets ils commembers d’infin uossa Reto Juon e Matthias Keller.

Adonta d’ün bun resultat annual, fa l’uniun pissers perquai chi saja adüna plü greiv da chattar avuonda commembras e commembers chi pajan contribuziuns per tgnair avert il Pass dal Flüela eir tanter la mità da november fin il principi da schner.

Scha las cundiziuns da l’ora e da la naiv permettan, dess il Pass dal Flüela restar avert fin ils 9 da schner 2022. (cdm/rtr/fmr)