Zonas da fabrica a Samedan nu stöglian gnir diminuidas

La ledscha federela davart la planisaziun dal territori pretenda cha las vschinaunchas e citeds as sviluppan vers inaint, sainza sguazzer terrain auncha na surfabricho. Impü nu das-chan vschinaunchas fer üngünas reservas da zonas da fabrica. Scha quellas sun pü grandas cu cha’d es da prevzair cha vegnan surfabrichedas i’ls prossems 15 ans ston ellas gnir diminuidas. Scu cha la suprastanza cumünela ho comunicho nun es quai il cas a Samedan. La ledscha da fabrica da la vschinauncha però vegn suottamissa ad üna revisiun totela. Dürant ils prossems 30 dis po minchüna e minchün piglier suot ögl ils plans e drizzer a la suprastanza cumünela propostas u objecziuns. La suprastanza propuona da sustgnair la revisiun parziela da la lescha davart la protecziun da natira e patria. La ledscha chantunela davart la chüra d’iffaunts cumplementera a la famiglia invezza nu sustegna ella. (fmr/fa)