Cuorsa liunga: Bunas prestaziuns per l’entschatta dalla stagiun nova

La stagiun da cuorsa liunga ha entschiet bein pils giuvens curriders sursilvans. Alla cuorsa da Maloja ha Tylan Michel dil Club da skis Trin contonschiu il secund rang ella categoria dils curriders sut 14 onns. En quella categoria ei Heikki Piali, medemamein dil CS Trin, daventaus tschunavel e Maurin Schmed dil Selvaclub Sagogn 16avel. Ella categoria sut 16 onns ei Matia Friberg dil CS Sedrun-Tujetsch daventaus dieschavel e Luca Deplazes dil CS Trun dudischavel.

Aunc megliers resultats ein reussi  alla cuorsa da notg da Zernez. Tylan Michel ha gudignau en sia categoria, Heikki Piali ha munchentau per pauc il podest ed ei daventaus quart. Tylan Michel ha la fin finala repetiu la victoria alla cuorsa per giuvenils dil Planoiras. Maurin Schmed ei daventaus leu 15avel e Matia Friberg ei setschentaus sil 14avel rang dalla categoria sut 16 onns.