Glion: Purschida da «walk-in» per la vaccinaziun encunter corona

Il Spital regiunal Surselva a Glion porscha la caschun da seschar vaccinar senza preannunzia. Quei ei pusseivel gievgia, ils 13 da schaner e venderdis, ils 21 da schaner 2022 el rom d’ina purschida da walk-in mintgamai dallas 16.00 tochen las 19.00 el center da vaccinaziun el spital. Per tut las persunas interessadas naven da 12 onns stattan a disposiziun ils vaccins da Pfizer/Biontech e da Moderna. Ei vegn cussegliau da far la vaccinaziun da repetiziun sil pli baul quater meins suenter l’immunisaziun da basa. Sche pusseivel duei ella vegnir fatga cul medem vaccin.