Appruvo la renovaziun da la via dal Bernina a Poschiavo

La Regenza ho appruvo il proget d’exposiziun per renover la via dal Bernina a Poschiavo. Il traget dal proget as rechatta i’l cumün da Poschiavo. La cuvrida da la via es in ün nosch stedi e stu gnir renoveda. Ultra da que nu vegn respetteda la largezza minimela per üna via principela sün l’inter traget.

I’l ram dal proget ho perque da gnir schlargeda la via sün ses meters per amegldrer la pussibilited da cruscher per camiuns ed autos da posta. Impü ho eir da gnir augmanteda la sgürezza da las pedunas e dals peduns. Pünavaunt es que planiso da renover la structura da la via, la cuvrida da la via scu eir l’alluntanamaint da l’ova da la via. Ils cuosts totels per il proget da renovaziun importan var 880 000 francs. (cdm/fmr)