La directura dal museum banduna la Val Müstair

Elke Larcher, la directura dal museum da la clostra San Jon a Müstair, banduna la val. A partir da gün maina ella il museum dal district clostral a San Galla.

Il cussagl d’administra­ziun haja tschernü ad Elke Larcher perquai ch’ella cu­gnuoscha las pretaisas specialas da la lavur: Tant la Clostra Son Jon a Müstair sco er il district clostral a San Galla toccan nempe pro’ls bains culturals mundials da l’UNESCO. Lapro cugnuoscha Elke Larcher bain l’istorgia e la ierta spirituala da las clostras. Quai scriva la Part da confessiun catolica dal chantun San Galla.

Elke Larcher es oriunda dal Tirol dal Süd. Ella ha stübgià slavistica ed anglistica a Puntina/Innsbruck (A). Daspö l’on 2007 ha ella lavurà in Val Müstair sco directura dal museum da la clostra ed eir sco responsabla per communicaziun e marketing. (rtr/fmr)