Viafier retica: Traget in direcziun San Murezzan es interruot
Scu cha’la Viafier retica scriva in üna comunicaziun a las medias, es interruot il traget da tren traunter Chastè e Filisur a partir da lündeschdi saira fin venderdi, ils 25 da marz 2022.
Il motiv per l’interrupziun sun schluvamaints dal terrain chi haun chaschuno tensiuns e deformaziuns dals binaris. Per reparer quistas tensiuns e deformaziuns cumainza la Viafier retica già uossa cun lavurs da mantegnimaint chi füssan stedas planisedas per principi d’avrigl.
Traunter Chastè e Filisur circuleschan bus. Per passageras e passagers cun destinaziun Engiadina arcumanda la Viafier retica da viager tras il Vereina in direcziun San Murezzan. (cdm/fmr)
Gust da leger dapli?