Cauld e vin sin plazza cumin
Ina gruppaziun da glieud da fatschenta da Glion envida puspei ad ina sentupada d’advent sin plazza cumin. Inizianta dall’acziun sper la fontauna dil marcau ei Lisa Wildhaber. La coiffeusa organisescha per la tiarza gada l’occurrenza. «Igl ei enzatgei spontan e gl’aspect social ei el center», puntuescha ella. Impurtont seigi da star da cumpignia suenter la serasontga e da contribuir aschia per ina bun’ovra. Al stan detti ei vin cauld ni punsch, al gril ligiongias. «Ins sa vegnir e gest tschenar tier nus», manegia Nina Caveng che ha medemamein ina fatschenta da coiffeur a Glion. Ella fa part l’emprema gada dil comite d’organisaziun. Maria Rietmann dalla Jackson Bar e Lia Bonolini dalla mazlaria ein medemamein dalla partida. Sco Lisa Wildhaber gi, va gl’entir recav uonn all’uniun Palliative Care Grischun.(fmr/abc)
La sentupada per ina buna caussa ei vendergis, ils 13-12, e vendergis, ils 20-12-2024, mintgamai dallas 18.00 tochen las 20.00, sin plazza-cumin a Glion.
Gust da leger dapli?