Mascrinas – geniturs survegnan raschun

parter

Amez la pandemia n’han geniturs d’ina scolara da segunda classa betg tramess l’uffant a scola. La raschun è stada l’obligatori da metter si mascrina en ina scola taliana dal Grischun dal Sid il december 2021. Il cussegl da scola ha sancziunà ils geniturs cun ina multa da 1500 francs. Ils geniturs han recurrì atras tuttas instanzas cun l’argument che l’uffant na pudeva betg purtar mascrina per motivs da sanadad. Il Chantun e la Dretgira administrativa dal Grischun han confermà la multa. Il Tribunal federal ha mussà chapientscha per ils motivs dals geniturs. Il schaner ha il tribunal annullà la multa. En pli survegnan ils geniturs in’indemnisaziun da 2500 francs. (sda/fmr)