«film&culinarica»: fascinaziun natüra e chatscha
Amaturas ed amaturs da la natüra e da la chatscha sun invidats quista sonda ad üna ediziun speciala da la seria «film&culinarica» illa Fundaziun Nairs a Scuol. Là preschaintan Susanna Fanzun ed Angelo Andina ün vast program cun films, prelecziuns e discuors. Tenor üna comunicaziun dals organisaturs invidan in tuot tschinch films, chi trattan da la chatscha, l’amur, il coppar e filosofar, al public da far seis agens impissamaints davart quistas tematicas.
L’intermediatura da cultura, Annetta Ganzoni, discuorra cun l’autur Leo Tuor e culla studenta e publicista Sidonia Pazeller. Ils redschissurs Wolfgang Tonninger e Mario Theus quintan da la chatscha per la megldra istorgia. E’l guardgia chatscha, Curdin Florinett, dà ün’invista illa populaziun dals lufs tscharver in Engiadina Bassa. Id es pussibel da visitar eir be singuls films o discuors ed I’s po eir gnir spontanamaing, ma l’annunzcha vain cusgliada sün info@nairs.ch.
L’occurrenza «film&culinarica»: fascinaziun natüra e chatscha es quista sonda, als 29 da marz 2029 a partir da las 16.00. Il program detaglià da l’occurrenza as chatta sün www.nairs.ch.
Gust da leger dapli?