Avanz plü ot co prognostisà

parter

Il cumün da Zernez ha preschantà illa radunanza cumünala da marcurdi saira seis rendaquint per l’on 2024. Cun expensas da 22,65 milliuns francs ed entradas da 25,81 milliuns francs resulta i’l quint da success ün guadogn da 3,16 milliuns francs. Sco cha’l cumün scriva in sia comunicaziun sun quai var 2,58 milliuns francs daplü co büdschetà i’l preventiv da l’on 2024 – sainza però dar explicaziuns plü precisas pel surplü inaspettà.

Sper il rendaquint positiv han las votantas e’ls votants eir approvà tschellas tractandas da la radunanza, tanter oter üna revisiun parziala da la constituziun cumünala, davo ch’els han il prüm però darcheu strichà l’augmaint da suottascripziuns proponü da la suprastanza per referendums ed iniziativas da 50 sün 100. La decisiun definitiva davart la revisiun vain lura tratta a l’urna als 29 gün. (cdm/fmr)