Cinema d’uaul muossa il film davart ils heroxs dil Säntis
Medel
Mesjamna proxima muossa il Cinema d’uaul ell’Academia Vivian a Stagias sur Curaglia/Mutschnengia il film «Hölde – Die stillen Helden vom Säntis».
L’Academia Vivian – in liug per divertiment e scolaziun – porscha dus films questa stad el rom dil Cinema d’uaul. Igl emprem ei «Hölde – Die stillen Helden vom Säntis» mesjamna, ils 9 da fenadur 2025 allas 19.30. Il secund «Jakobs Ross» vegn mussaus mesjamna, ils 13 d’uost 2025. Omisdus dis sa vegnir sedivertiu sigl areal gia naven dallas 13.00. Ei vegn purschiu spisa e bubronda avon ch’ils films vegnan mussai. Per la grillada allas 18.30 vegn ei supplicau da s’annunziar.
La staziun sil Säntis
Il film «Hölde – Die stillen Helden vom Säntis», ina documentaziun realisada igl onn 2024, muossa carstgauns curaschus. Leu nua che la pli aulta staziun d’observaziun dall’aura dall’Europa sesanfla, vegneva tut transportau pli baul a pei sil cuolm dil paun entochen la lenna da brisch. «Mo grazia a quei engaschament ei quella staziun insumma stada pusseivla da realisar», scriva il Center sursilvan d’agricultura en ina communicaziun als mieds da massa. Mo pauca glieud enconuscha ils motivs e la vera historia da quei project. El film da televisiun e cinema da Victor Rohner ein quels umens curaschus dil Säntis ils acturs principals. (cdm/fmr)
Persunas che vulan nezegiar il bus da shuttle da Mustér/Salaplauna via Curaglia a Stagias san s’annunziar sill’adressa d’e-mail info@agricultura.ch ni s’informar silla pagina www.academiavivian.ch.
Gust da leger dapli?