Festa barocca suot l’insaina dals orgels

Val Müstair

parter

La Val Müstair posseda bels e prezius orgels in sias baselgias. Illa baselgia reformada da Tschierv as rechatta ün instrumaint construi da l’on 1807 da Josef Fuchs da Puntina. Quist instrumaint d’eira, sco cha’ls organisaturs da la festa infuorman, il prüm a S-chanf. El vain uossa revais. In sonda, ils 19 da lügl 2025, da las 10.00 a las 21.00 vain quel orgel, ma eir oters da quels instrumaints in baselgia preschantats a las persunas interessadas. Dürant la davomezdi as poja dudir l’orgel a Valchava chi’d es gnü fabrichà dal 1635. Elisabeth Hangartner demonstrarà ils tuns multifars da l’instrumaint. Illa show barocca dad ir a sella a Sta. Maria cun üna gruppa da chavalgiants insembel cun Iris Hauschild e la musica live d’ün orchester baroc vain sport ün viadi tras quatter continents. Il di finischa cun ün concert festiv da musica baroca taliana illa baselgia da Sta. Maria suot la direcziun da la violinista da musica baroca Renate Steinmann e cun l’organist dal Tirol dal Süd Lukas Punter. (cdm/fmr)


Ulteriuras infuormaziuns e bigliets: festabarocca.ch