Naschì è Ivo Caviezel l’onn 1963 a Cuira, nua ch’el è creschì si. Suenter avair fatg la matura ha el fatg fagot ed è partì vers Friburg. Là ha el studegià giurisprudenza. Da la svizra franzosa è el turnà a Turitg, nua ch’el ha fatg sia patenta dad advocat e lavurà tar ina banca gronda a Turitg, la SKA pli tard la CS. Là ha el sustegnì durant 12 onns la partiziun dal dretg. Davent da la lavur cun daners è Ivo Caviezel vegnì l’onn 2005, cura ch’el ha surprendì la funcziun sco advocat tar la Federaziun da las cooperativas da la Migros. En quella funcziun ha Caviezel lavurà ils 18 onns. L’onn passà ha el reducì in zic ses pensum per medemamain surprender da manar la gestiun da la Fundaziun per la perscrutaziun dal cancer tar uffants. (fmr/opm)