Il protagonist dal nov cudesch da Flurin Jecker sa numna Luchs. El pensa che sia istorgia saja gia clera. El è guardian d’in santeri e fa là mintga notg sias rundas. Cun quai para el dad esser cuntent. Enfin che la giuvna da 13 onns, Teresa cumpara. Luchs la dat fieu, senza supponer che quai munta ch’el vegnia suspendì. Suenter questa entschatta dischagreabla daventan Luchs e Teresa amis. Ella al mussa a sunar la ghitarra e’l tira endament ch’era el ha ristgà ina giada da viver sia vita. Ed uschia banduna Luchs il santeri e turna enavos en quel lieu da ses siemis, a Santa Tereza. Là nua ch’el na tema betg dad esser puspè el sez. (opm/fmr)