«La chanzun rumantscha» viva

(anr/sr) Avon dus onns ei l’uniun «La chanzun rumantscha» vegnida fundada ed il venderdis vargau ha ella teniu a Glion sia emprema radunonza generala. L’uniun dumbra actualmein varga 120 commembras e commembers, mo sco quei ei savens tier radunonzas era la gronda part absenta. Sco Clau Scherrer, il president dall’uniun, ha menziunau en siu rapport eis ei gia vegniu fatg dabia lavur el decuors dils davos dus onns en favur dalla canzun romontscha. Aschia ei vegniu creau ina pagina d’internet per l’uniun (www.chanzunrumantscha.ch) e sch’ins arva quella croda il countdown pigl emprem festival da «la chanzun rumantscha» en egl. Quel ha liug dils 15–17 da mars a Trun, ei va pia aunc quater meins.

pagina 3