Andrea Bignasca el Cinema Sil Plaz

(anr/ac) Naven dad accords rockigs da ghitara entochen melodias filigranas embellidas dad ina vusch carismatica. Tut quei porscha il musicist Andrea Bignasca, oriunds dil Tessin e dapi entgins onns sin viadi tras la Svizra e Tiaratudestga cun ina schelta da sias pli novas ovras. Bignasca e sia band fan in retegn a Glion el Cinema Sil Plaz sonda proxima. El ha dacuort presentau siu secund album ed als auditurs da divers emetturs da radio ein sias melodias enconuschentas. Bignasca ei denton gia sepresentaus a divers open airs pli gronds sco al Festival da Jazz a Montreux ed al Gurtenfestival a Berna. Entschiet sia carriera musicala ha Bignasca sco part dad in trio ch’ei staus divers onns sin turnea tras la Svizra e l’Italia dil nord. Gia lu cun atgna musica ed agens texts. Avon biebein tschun onns ei Bignasca sedecidius da cuntinuar persuls ed el creescha texts e conta per engles. Sonda proxima a partir dallas 21.30 sepresentan Bignasca e ses conmisicists sin la tribuna dil Cinema.

Reservaziuns via cinema.ch