Creativitad en lain

(anr/ac) In edifizi dad in campadi, ina mobiglia ed in’arena da ballape ha la giuria da la branscha da lain grischuna premià la gievgia passada a Cuira. Sa chapescha che l’elavuraziun en lain ha intimà la giuria incumbensada da l’interessenza dal lain grischun da surdar premis. E l’emprim da quels premis ha l’edifizi dal Campadi Ogna a Trun retschavì cun in laud per la construcziun externa ed interna. Impurtant per la giuria è la construcziun en lain dad edifizis turistics che fan uschia reclama per la materia prima regenerabla indigena. Il segund premi ha reschavì Ramon Zangger per sias mobiglias en schember. Per la giuria da tempra creativa ed innovativa. E la terza distincziun è ida a favur da l’arena da ballape Crap Gries a Schluein, in impurtant edifizi per l’entira regiun.

pagina 5