Ils effets dal müdamaint dal clima

(anr/afi) Las consequenzas da la süttina da la stà passada saran visiblas in Engiadina Bassa pür in ün pêr ons. Il terz rapport dal müdamaint dal clima dà ün sguard in l’avegnir da la Svizra e las datas nu d’eiran amo mai uschè precisas. Ils scienziats sun da l’avis cha similas stass pudessan as repeter mincha duos ons, e na sco fin qua üna fin duos voutas infra desch ons. Angelika Abderhalden da la Fundaziun Pro Terra Engiadina es dal medem avis sco’ls perits dal stüdi. «In avegnir daraja daplü precipitaziuns in fuorma da plövgia e quellas as concentraran dürant la stagiun d’inviern», manzun’la. Üna da las differentas sfidas sarà la s-charsdà d’aua, impustüt il provedimaint d’aua süllas alps.

pagina 11