Mecanissem empè 
da discussiuns chaliradas

(anr/vi) Damain testas co-tschnas e damain discussiuns politicas – quai è la finamira dal cumpromiss ch’il cussegl dals chantuns ha decidì ier per la gulivaziun da finanzas federala. Fin uss prevedeva la lescha ina dotaziun da minimalmain 85 pertschient da la forza finanziala media da tuts chantuns. Quai vul dir che la politica pudeva era decider gulivaziuns pli autas. Chantuns contribuents sco Zug, Turitg u Genevra han cumbattì e manà discussiuns diras. Uss ha la maioritad dals chantuns retschaviders gidà a purtar in cumpromiss per in mecanissem: En la lescha vegn fixada ina dotaziun dad 86,5 pertschient. Sch’er il cussegl naziunal di gea na dovri pli naginas discussiuns politicas davart l’autezza da la gulivaziun en il futur.

Martin Schmid ha votà per il cumpromiss – malgrà ch’il Grischun survegn lura in tschert temp intgins milliuns damain. En l’intervista cun l’anr explitgescha el pertge ch’igl è in segn impurtant per il Grischun da gidar a purtar il cumpromiss.

pagina 2