Posta Sedrun: Pli baul 
ella Cruna – oz el Denner

Da Hans Huonder / anr

Il biro dalla posta a Sedrun ha serrau sias portas il venderdis vargau. Ussa vegn il survetsch postal offerius sco agentura ella stizun dil Denner. Duront 145 onns ein Cavengs, respectivamein Cavegns, stai ils posttenents da Sedrun, avon ch’il survetsch mondi suenter la quarta generaziun els mauns da Gocca Janki. Bruno Cavegn – in descendent dalla famiglia e frar dil davos posttenent Rudolf Cavegn permiert – seregorda dil temps dalla posta a Sedrun. El ha denton buca mo regurdientschas da quei temps, mobein era interessanta documentaziun. Biaras fotografias dattan perdetga dil temps vargau. Denter auter ei era documentau nua ch’il biro dalla posta ei tut staus. L’entschatta era el in deposit ella Cruna, il hotel che siu basat Lucas ha giu baghegiau. Lucas Caveng ei staus igl emprem posttenent da Sedrun.

Pagina 2