Niev camiun per la defensiun abc

(anr/hh) Ils Pumpiers Sursassiala ein ils tiarzs el cantun Grischun ch’han obteniu in niev camiun cun indrezs e material per la defensiun abc, vul dir havarias A (atomar), B (biologic) e C (chemic). Il vehichel vegn mess a disposiziun e finanziaus cumpleinamein dall’Assicuranza da baghetgs dil cantun Grischun. El ha custau rodund 300 000 francs ed ei vegnius furnius dacuort al corp da pumpiers sut il commando da Gion Tenner. Il camiun consista da moduls cun material, apparaturas ed uaffens che surveschan als differents eveniments dil seracass. Otg persunas han plaz el camiun dalla marca MAN.

pagina 3