Val Müstair as prepara 
pel Tour de Ski

(anr/fa) Fin 10 000 spectatuors, passa 120 schurnalists e 16 emettuors da televisiun internaziunals saran preschaints, rapportaran e muossaran a Büman 2019 l’etappa dal Tour de Ski a Tschierv. Pella quarta jada vain realisada in s-chars trais eivnas a Tschierv darcheu la terz’etappa da la cuorsa da passlung Tour de Ski. Quatter jadas esa eir cha Dario Cologna ha guadagnà quista cuorsa. A Cuoira han preschantà il president dal comitè d’organisaziun Guido Mittner, Martina Stadler chi maina la destinaziun turistica Engiadina Bassa e Val Müstair e la pledadra da pressa Madeleine Papst il stadi da las preparaziuns pel grond di in Val Müstair al principi da l’on 2019. Els tuots sun cuntaints da la naiv chi ha dat.

pagina 9