Culà or ieli en in 
tschaler a Mustér

(rtr) En in tschaler a Mustér èn gievgia saira plirs liters d’ieli da stgaudar culads or. Ils pumpiers han stuì pumpar ora radund 2700 liters ieli or da la stanza. Quai scriva la polizia chantunala. Il pedel ha gievgia saira annunzià a la polizia in accident cun ieli. Ils pumpiers da Sursassiala han cun ina gruppa da 17 persunas pumpà ora l’ieli. Per l’ambient n’haja dà nagin privel direct. Davart il donn vi dal bajetg e l’infrastructura na datti anc naginas indicaziuns.