Scandal AutoDaPosta SA – 
cunvegna cun chantuns è valaivla

Ils 18 chantuns ch’èn stads pertutgads dal scandal da l’AutoDaPosta SA èn cuntents cun ils daners ch’els survegnan enavos. Perquai saja la cunvegna tranter ils chantuns e l’AutoDaPosta SA valaivla, mussan retschertgas dad SRF. L’interpresa AutoDaPosta SA ha da pajar enavos daners a 18 chantuns: En tut èn quai 190 milliuns francs. Cun quai che tut ils 18 chantuns cumpigliads sajan cuntents cun las restituziuns saja la cunvegna valaivla, rapporta SRF. In da quels 18 chantuns ch’ha ditg GEA è il Grischun. Quel po quintar cun restituziuns da radund 21 milliuns francs. Circa in quart da quella summa va a las vischnancas.