Concert dalla Musica 
giuvenila Lumnezia

(anr/abc) Sonda vargada ha la formaziun envidau a siu concert annual. Quel ha la Musica giuvenila Lumnezia dau ella Sentupada a Vignogn. Il dirigent Remo Derungs ed il president dalla Musica giuvenila Lumnezia (MGL) han exercitau cun 33 participontas e participonts in program variont cun musica per formaziun da brass. La halla dalla Sentupada a Vignogn ei s’emplenida pulit, da tut ils vischinadis ei igl auditori vegnius per tedlar e sedivertir. En tut ha la formaziun giuvna lumneziana sunau 12 tocs. «Oz vegn fatg autruisa musica» eis ei iu tras il tgau tedlond musicantas e musicants en acziun. Tocs plein slontsch sco era tocs tradiziunals ein sebrattai. In’uniun moderna e giuvna ei sepresentada cun vigur, ella garantescha alla Lumnezia che la tradiziun dallas musicas cuntinuescha.

pagina 3